18 чэрвеня спаўняецца паўгода з дня сьмерці былога чэхаславацкага і чэскага прзыдэнта Вацлава Гаўла. З гэтай нагоды ў Празе адкрылася выстава фатаграфіяў палітыка, пісьменьніка і дысыдэнта, зьнятых карэспандэнтамі ЧТК ў 1988-2011 гг. Шматлікія неапублікаваныя раней здымкі паказваюць розныя цікавыя моманты поўнага падзеяў Гаўлавага прэзыдэнцтва. Выстава працуе да 6 ліпеня.
Вацлаў Гавэл: прэзыдэнцтва ў фатаздымках
1
Гавэл інспэктуе Каралеўскую Варту падчас візыту ў Бакінгемскі палац, Лёндан, сакавік 1990.
2
Гавэл (зьлева) гаворыць у 1991 годзе ў Брне з тагачасным міністрам фінансаў Чэхаславаччыны Вацлавам Клаўсам. Пазьней Клаўс стане зацятым палітычным апанэнтам Гаўла і ўрэшце зьменіць яго на пасадзе прэзыдэнта ў 2003 годзе.
3
Гавэл размаўляе з Кітам Рычардсам і Мікам Джэгерам з гурту thr Rolling Stones падчас візыту ў Мэльбурн у 1995 годзе. На запрашэньне Гаўла "Стоўнзы" выступілі з памятным канцэртам у Празе неўзабаве пасьля падзеньня камунізму ў 1990 годзе.
4
Гавэл грэецца на сонцы пад чэскім сьцягам, плывучы на параплаве ў Бангкок падчас візыту ў Тайлянд у 1994 годзе.
5
Гавэл вітаецца паводле традыцыйнай цырымоніі з маарыйскай дзяўчынай падчас візыту на Новую Зэляндыю ў 1995 годзе.
6
Гавэл танцуе з абарыгенамі падчас візыту на востраў Вялікадня ў 1996 годзе.
7
Партрэт, зроблены падчас наведаньня чэскага гораду Іглава ў 2002 годзе.
8
Гавэл, заўзяты аматар року, вітае гледачоў на рок-фэстывалі ў чэскім мястэчку Трутнаў у 2007 годзе.
Катэгорыі
- Мультымэдыя
- Відэа
