Андрэй Такінданг: Паміраць дык зь песьняй – сказалі мы і пачалі ладзіць вулічныя канцэрты

У менскім Цэнтры сучаснага мастацтва прайшла выстава мастака і музыкі Андрэя Такінданга пад назвай “Крыжовы шлях”. Чатырнаццаць ягоных твораў адлюстроўваюць столькі ж вядомых сюжэтаў – шлях Ісуса Хрыста на Гальготу. Ці лёгка даюцца маладым творцам сакральныя сюжэты? І навошта музыкам, якія карыстаюцца глядацкім посьпехам, вулічныя выступы? Пра вечнае і надзённае зь лідарам гурта “Рэха” пагутарыў Міхась Скобла.