Вызваленых беларускіх сьвятароў прывезьлі ў Ватыкан, магчымая сустрэча з папам Рымскім

Аднак, як даведаліся вернікі, сьвятароў адразу вывезьлі за мяжу. Цяпер яны ў Ватыкане, піша Katolik.life.

Інфармаваныя крыніцы ў Ватыкане пацьвердзілі Свабодзе гэтую інфармацыю. У Ватыкане ў іх адбываюцца сустрэчы ў Дзяржаўным сакратарыяце. Ня выключана, што цягам дня пройдзе сустрэча з папам Рымскім Львом XIV.

Калі сьвятары змогуць вярнуцца ў Беларусь і што іх чакае далей — пакуль невядома.

Абодва сьвятары не прызнавалі сябе вінаватымі ў інкрымінаваных ім злачынствах. Вернікі таксама лічылі прысуды несправядлівымі і маліліся аб вызваленьні сьвятароў.

Экс-пробашч парафіі ў Валожыне ксёндз Генрых Акалатовіч прабыў у зьняволеньні больш за два гады. Былы пробашч парафіі ў Шуміліне айцец Анджэй Юхневіч — амаль паўтара года.

Канфэрэнцыя каталіцкіх біскупаў у Беларусі зьвязала іх вызваленьне зь нядаўнім прыездам у Беларусь кардынала Кляўдыё Гуджэроцьці.

Гуджэроцьці, які раней быў нунцыем Ватыкану ў Менску, а цяпер ачольвае ватыканскую дыкастэрыю ў справах Усходніх цэркваў, адведаў Беларусь у канцы кастрычніка і сустрэўся з Аляксандрам Лукашэнкам.

ГЛЯДЗІЦЕ ТАКСАМА:

Лукашэнка памілаваў каталіцкіх сьвятароў Акалатовіча і Юхневіча. Што пра іх вядома

ГЛЯДЗІЦЕ ТАКСАМА:

Кардынал Гуджэроцьці пра магчымы візыт папы ў Беларусь: «Папа не паедзе туды, дзе прыезд створыць падзел»

ГЛЯДЗІЦЕ ТАКСАМА:

Вызваленьне ксяндзоў — вынік дыпляматыі і Ватыкану, і Польшчы, і ЗША, — тэалягіня Васілевіч