Дата дня
3 сьнежня адзначаецца Міжнародны дзень асобаў з інваліднасьцю. Гэты дзень абвясьціла ААН у 1992 годзе, каб прыцягнуць увагу да праблемаў такіх людзей, для абароны іх годнасьці, правоў і дабрабыту.
Гэты дзень у гісторыі
1775 — упершыню быў узьняты амэрыканскі сьцяг, які адрозьніваўся ад сучаснага сьцяга ЗША наяўнасьцю брытанскага «Юніён Джэка» ў куце.
1918 — Рада і Ўрад Беларускай Народнай Рэспублікі пакінулі Менск і пераехалі ў Вільню.
1921 — у Менску створаная Беларуская кантора Дзяржаўнага банку РСФСР. Нацыянальны банк Рэспублікі Беларусі, утвораны ў 1991 годзе, лічыцца пераемнікам гэтай установы.
1939 — у Бэрліне пачынае выходзіць газэта «Раніца».
1965 — гурт The Beatles выпусьціў альбом Rubber Soul, які прынята лічыць пачаткам карэнных зьменаў у музыцы лівэрпульскай чацьвёркі.
1967 — паўднёваафрыканскі хірург Крыстыян Барнард упершыню ў гісторыі зрабіў пасьпяховую перасадку сэрца.
1991 — распушчаны Камітэт дзяржаўнай бясьпекі СССР.
1992 — адпраўлена першае SMS-паведамленьне.
1997 — у Атаве 125 краін падпісалі Канвэнцыю аб забароне супрацьпяхотных мінаў. Сярод краін, якія адмовіліся падпісаць гэты дакумэнт, былі Кітай, Расея, ЗША.
У гэты дзень нарадзіліся
1907 — Рыгор Крушына (ад нараджэньня Казак), беларускі паэт, пісьменьнік і журналіст, дзеяч паваеннай эміграцыі ў Нямеччыне й ЗША, супрацоўнік Беларускай службы Радыё Свабода.
1936 — Міхась Кукабака, савецкі праваабаронца, дысыдэнт і палітычны вязень.
1937 — Данута Бічэль-Загнетава, паэтка.
1948 — Озі Осбарн, ангельскі рок-вакаліст.
У памяці
1894 — Робэрт Льюіс Стывэнсан, ангельскі пісьменьнік.
1919 — П’ер-Агюст Рэнуар, францускі мастак.
1948 — Вера Кляйнміхель, графіня, уладальніца маёнткаў у Пружанах, мэмуарыстка.
1969 — Рыта Млодак, сьпявачка, народная артыстка Беларусі.
1994 — Ірына Ждановіч, акторка, народная артыстка Беларусі.
2022 — Вітаўт Кіпель, беларуска-амэрыканскі грамадзкі дзеяч і публіцыст. З 1944 году жыў у эміграцыі. Працаваў у Нью-Ёрскай публічнай бібліятэцы, сабраў калекцыю беларускіх выданьняў. Актыўна ўдзельнічаў у беларускім жыцьці ў ЗША.
