Тыдзень у фатаздымках, 22—28 сакавіка

28 сакавік 2009, 19:34

Беларускія падзеі ў фатаздымках, 22—28 сакавіка 2009 году.

28 сакавіка, субота

Зранку на плошчы Свабоды ў Віцебску сабраўся немалы натоўп пакупнікоў, якіх прывабілі аб’явы ў мясцовых газэтах пра антыкрызісныя танныя распродажы.

27 сакавіка, пятніца



У Магілёве прадпрымальнікі чатырох мясцовых рынкаў дамагліся адмены пастановы абласнога савету дэпутатаў пра падвышэньне стаўкі адзінага падатку й падатку на дададзеную вартасьць. Патрабаваць гэтага выйшлі да будынка аблвыканкаму больш за трыста прадпрымальнікаў.

Сяргей Каваленка	Усе падсудныя
У Кастрычніцкім райсудзе Віцебску скончыліся працэсы над удзельнікамі сьвяткаваньня Дня Волі 25 сакавіка. Прысуды — штрафы і папярэджаньні

26 сакавіка, чацьвер

Галоўны рэдактар часопіса “Дзеяслоў” Барыс Пятровіч.
Валянціна Аксак	Сяржук Сыс	Уладзімер Някляеў
У Менску ўручулі прэмію “Залаты апостраф”, заснаваную недзяржаўным літаратурна-мастацкім часопісам “Дзеяслоў”

Настаўніцу Марыяну Грузьдзіловіч звольнілі з камэрцыйнага адукацыйнага цэнтру “SOL Minsk” за тое, што яна гаварыла з вучнямі пра Дзень Волі.

25 сакавіка, серада

Дзень Волі ў Гомелі

Дзень Волі ў Віцебску



Дзень Волі адзначылі й у Нью-Ёрку.






У Менску каля дзьвюх тысяч чалавек узялі ўдзел у сьвяткаваньні Дня Волі.

У Віцебску затрымалі сябара Кансэрватыўна-хрысьціянскай партыі БНФ Сяргея Каваленку і двух ягоных аднадумцаў, Ігара Базарава і Валера Аляксандрава, як толькі яны разгарнулі бел-чырвона-белыя сьцягі.



На цэнтральнай плошчы мястэчка Бобр мастак Алесь Пушкін намаляваў карціну “Незалежнасьць”. Такім чынам, ён адсьвяткаваў 25 сакавіка.

З Днём Волі павіншавалі студэнтаў сельгасакадэміі ў Горках

Лебедзі ўпрыгожылі Дзень Волі ў Баранавічах

24 сакавіка, аўторак

У Рэчыцы адбыўся аднадзённы папераджальны страйк прадпрымальнікаў трох рынкаў — “Славянскі”, “Цэнтральны”, “Гандлёвыя рады “Рытм”. Дробныя бізнэсоўцы спынілі працу, каб атрымаць тлумачэньні мясцовых органаў улады й дэпутатаў абласнога Савету наконт чарговага істотнага падвышэньня падаткаў.

Актывісты міжнароднай праваабарончай арганізацыі “Amnesty International” (“Міжнароднай амністыі”) абвясьцілі кампанію за адмену сьмяротнага пакараньня ў Беларусі — адзінай эўрапейскай краіне, дзе такое пакараньне яшчэ ўжываюць. На фота — праваабаронцы “Amnesty International” Нікола Дакворт і Хэза Макгіл

23 сакавіка, панядзелак



Менскі міжгарнізонны вайсковы суд адмовіўся прызнаць незаконнымі дзеяньні вайскоўцаў і мэдыкаў падчас прызыву ў войска Франка Вячоркі



Суд Савецкага раёну Менску пакараў грашовым штрафам у паўмільёна рублёў лідэра “Маладой Беларусі” Артура Фінькевіча

22 сакавіка, нядзеля

Беларуска-літоўска-польскі “Паўстанцкі ланцуг” у дзень сьмерці Кастуся Каліноўскага ў Вільні сабраў на Лукішскім пляцы некалькі дзесяткаў чалавек.

Актывісты незарэгістравнай арганізацыі “Правы альянс” разам з прадстаўнікамі сэкцыі “Мэмарыял” таварыства аховы помнікаў наведалі мэмарыяльны комплекс Хатынь.



У Строчыцах вясну гукалі

Актывісты незарэгістраванай арганізацыі “Правы альянс” у гадавіну сьмяротнага пакараньня Кастуся Каліноўскага на аднайменнай вуліцы ў Менску наклеілі партрэты Кастуся Каліноўскага з надпісам: “Слава герою!”.