У аварыі пацярпелі 11 турыстаў.
Здарэньне адбылося ў правінцыі Канчанабуры. Паводле папярэдняй інфармацыі, пасьля сутыкненьня зь легкавым аўтамабілем аўтобус упаў з узгорка і перакуліўся. Частка пасажыраў апынулася пад абломкамі. Пра гэта напісала расейская амбасада ў Бангкоку.
Усяго ў выніку здарэньня пацярпелі 11 чалавек. Большасьць зь іх атрымалі лёгкія траўмы і пасьля першай дапамогі былі адпраўленыя ў гатэлі.
Цяжкія пашкоджаньні, паводле зьвестак тэлеграм-каналу Mash, у дваіх чалавек. Адна зь іх — грамадзянка Беларусі. Яе стан ацэньваецца як цяжкі, але стабільны.
Пазьней гэтую інфармацыю пацьвердзілі ў беларускім МЗС.
ГЛЯДЗІЦЕ ТАКСАМА: У аварыі з маршруткай на Гомельшчыне загінулі шэсьць чалавек