Урад Вялікай Брытаніі робіць больш жорсткай міграцыйную палітыку, павялічыўшы тэрмін чаканьня дазволу на сталае жыхарства для тых, хто трапіў у краіну нелегальна, зь пяці да 20 гадоў.
Пра гэта заявіла міністарка ўнутраных спраў Шабана Махмуд у інтэрвію The Sunday Times.
Новыя правілы вызначаюць 20-гадовы тэрмін для тых, хто трапіў у краіну нелегальна (самы доўгі тэрмін у Эўропе), а таксама 10-гадовы тэрмін чаканьня ДНЖ для ўцекачоў, якія прыяжджаюць па новых легальных праграмах.
Акрамя таго, статус уцекача стане часовым і будзе пераглядацца кожныя 30 месяцаў.
Як падкрэсьліла Махмуд, мэта брытанскага ўраду – аб'яднаць краіну і аднавіць кантроль над межамі.
Брытанскі плян распрацаваны на ўзор рэформаў у Даніі, дзе колькасьць заяваў на прытулак скарацілася да 40-гадовага мінімуму, а 95% заяўнікаў атрымліваюць адмову, піша The Sunday Times.
ГЛЯДЗІЦЕ ТАКСАМА: Мігранты нелегальна перасякалі беларуска-польскую мяжу ў першы тыдзень лістапада радзей, чым у папярэднія 8 месяцаў ГЛЯДЗІЦЕ ТАКСАМА: У МУС заявілі, што сёлета зь Беларусі дэпартавалі ўжо 3,6 тысячы іншаземцаў