«Мы пра гэта яшчэ ня можам казаць гучна, але ў Беларусі будуюць інфраструктуру вайсковага прызначэньня. Гэтая інфраструктура не патрэбная для краіны, калі яна не рыхтуецца да вайны. На жаль, я не магу распавесьці пра гэта больш падрабязна, але вось гэта ўсё ў Беларусі ёсьць. І кожны разумее, для чаго гэта ўсё», — працытавала Ўладзімера Жыгара выданьне «Позірк».
Паводле яго, беларускія прадпрыемствы ўжо пастаўляюць у Расею, напрыклад, рэактыўныя снарады калібрам 122 мм, і Расея «гэта ўсё выкарыстоўвае ў вайне супраць Украіны».
Беларускія вайсковыя заводы выйдуць на пік сваіх магутнасьцяў у сярэдзіне 2027 году, адзначыў прадстаўнік арганізацыі.
«Што будзе далей? Гэта можа выкарыстоўвацца ў вайне супраць Украіны, а можа яшчэ і супраць краін NATO», — мяркуе Жыгар.
ГЛЯДЗІЦЕ ТАКСАМА: «Марнаваць некалькі месяцаў, каб „пагуляць у армію“». Як працуюць дзіцячыя мэмарыяльныя атрады23 кастрычніка на прэзэнтацыі справаздачы «Дзеці бяз будучыні: мілітарызацыя дзяцінства ў Беларусі» прадстаўнік BelPol Мацьвей Купрэйчык заявіў, што вайна з Эўропай можа пачацца ў 2027–2030 гадах, да яе ўжо рыхтуюць дзяцей — праз мілітарызацыю навучаньня ў беларускіх школах.
«Насамрэч цяпер мы кажам пра мілітарызацыю ўсёй Беларусі. І гэта складаецца зь мілітарызацыі беларускай эканомікі, мілітарызацыі беларускіх дзяцей. Для вашага разуменьня: цяпер ствараюцца такія лягеры вайскова-патрыятычнага выхаваньня, дзе дзяцей 8, 9 гадоў і далей разьбіваюць па групах, і ў кожнай групе ёсьць мэдыкі, дроншчыкі, наводчыкі і г.д»., — адзначыў Жыгар на IV беларуска-ўкраінскім Форуме Астроскіх, што праходзіў у Львове і Кіеве 11–15 лістапада.
Паводле яго слоў, мілітарызуецца таксама заканадаўства Беларусі.
ГЛЯДЗІЦЕ ТАКСАМА: BelPol: Кітай адыграў ключавую ролю ў забесьпячэньні Беларусі рэсурсамі для выкананьня вайсковых заказаў Расеі