Базавая велічыня — адзінка, якой вымяраюць штрафы, спагнаньні, іншыя выплаты ў краіне.
З 1 студзеня 2026 году ў Беларусі зьменіцца памер базавай велічыні. Цяпер гэта 42 рублі, а з новага году будзе 45 рублёў.
Такім чынам, памер базавай велічыні падвысіцца на 7%.
Адпаведную пастанову падпісаў прэм’ер-міністар Аляксандар Турчын.
Папярэдні памер базавай велічыні ўлады вызначылі ў 2025 годзе.
Зьмена базавай велічыні паўплывае на памер сацыяльных выплатаў, напрыклад, дапамогаў на дзяцей, стыпэндыяў, матэрыяльнай дапамогі й інш.
Базавая велічыня таксама ўплывае на сплаты ў бюджэт. Сярод іх дзяржаўнае мыта, штрафы, іншыя сплаты.
ГЛЯДЗІЦЕ ТАКСАМА: Паліцэйская дзяржава замест сацыяльнай: што стаіць за падаражэньнем камуналкі для «дармаедаў»