Прэзыдэнт літоўскай Нацыянальнай асацыяцыі аўтаперавозчыкаў Linava Эрландас Мікенас заявіў, што Беларусь дазваляе вярнуцца ў Літву толькі тым грузавым аўтамабілям, якія заехалі ў краіну пасьля адкрыцьця мяжы.
Тым часам фуры, якія затрымаліся ў Беларусі з пачатку месяца, па-ранейшаму ня могуць выехаць – Менск патрабуе правесьці кансультацыі з Вільняй, піша Reform.news са спасылкай на LRT.
Літва часова закрыла мяжу з Беларусьсю ў канцы кастрычніка з-за пагрозы мэтэазондаў. У адказ Менск забараніў рух літоўскіх фур па сваёй тэрыторыі да паўторнага адкрыцьця пунктаў пропуску. Нягледзячы на тое, што Літва аднавіла працу мяжы ў чацьвер, затрыманым перавозчыкам вяртаньне ўсё яшчэ заблякавана.