Цырымонія ўручэньня прэміі імя Карласа Шэрмана адбылася 22 лістапада ў Варшаве на фэстывалі інтэлектуальнай кнігі «Pradmova».
Імёны некаторых намінантаў і сябраў журы не называліся дзеля іхнай бясьпекі, піша bellit.info.
Пераможцы за 2023 год
- Пераможца ў намінацыі «Пераклад прозы» — Алена Пятровіч за пераклад з польскай кнігі Станіслава Ігнацы Віткевіча «Ненасытнасьць».
- Пераможца ў намінацыі «Пераклад паэзіі» — Андрэй Хадановіч за пераклад з украінскай кнігі Сяргія Жадана «Іншае імя любові».
- Пераможца ў намінацыі «Пераклад дзіцячай кнігі» — Сярж Мядзьведзеў за пераклад з англійскай кнігі Фрэнка Баўма «Чараўнік Краіны Оз».
Пераможцы за 2024 год
- Пераможца ў намінацыі «Пераклад прозы» — Сяргей Шупа за пераклад зь літоўскай кнігі Юргіса Кунчынаса «Туўла».
- Пераможца ў намінацыі «Пераклад паэзіі» — Лявон Баршчэўскі за пераклад з старажытнагрэцкай «Іліяды» Гамэра.
- Пераможца ў намінацыі «Пераклад дзіцячай кнігі» — зашыфраваны ўдзельнік.
Прэмію імя Карласа Шэрмана заснавалі ў 2016 годзе ў гонар выдатнага літаратурнага перакладчыка Карласа Шэрмана.
У журы сёлетняй прэміі былі
- філёляг-славіст, перакладчык, рэдактар Сяргей Сматрычэнка,
- перакладчыца, рэдактарка, кніжная блогерка Наста Карнацкая,
- паэтка, перакладчыца, выкладчыца англійскай мовы Ганна Шакель,
- літаратар, журналіст, рэдактар Сяргей Дубавец.
Астатнія сябры журы 2023 году і сябры журы 2024 году пажадалі застацца непублічнымі.
Арганізатары прэміі —
- Дабрачынная ініцыятыва «Viartańnie»,
- Міжнародны саюз беларускіх пісьменьнікаў,
- Беларускі ПЭН.