З нагоды Дня герояў, які адзначаецца ў гонар удзельнікаў Слуцкага збройнага чыну 1920 году ў абарону Беларускай Народнай Рэспублікі, старшыня Рады БНР Івонка Сурвіла зьвярнулася да беларусаў:
«Зьвяртаюся да вас сёньня, каб прыпомніць усім нам нашых, магчыма, найбольшых герояў. Прыпомніць зь вялізарнай удзячнасьцю і сказаць ім, што яны дасюль жывуць у сэрцы кожнага беларуса і што мы верым, што зь іхнай дапамогай мы адродзім нашую Бацькаўшчыну, не дазволім ворагам сьцерці яе з паверхні Зямлі».
Мэдалём Ордэну Пагоні з дадатковай адзнакай вайсковых заслугаў узнагароджаныя афіцэр, імя якога не разгалошваецца, і былы камандзір Палку імя Кастуся Каліноўскага Павал Шурмей. Трое ваяроў узнагароджаныя Мэдалём Ордэну Пагоні пасьмяротна.
За асабістую адвагу, праяўленую ў баях супраць расейскіх агрэсараў ва Ўкраіне дзеля свабоды Беларусі і Ўкраіны, адзін афіцэр узнагароджаны залатым Мэдалём БНР за баявыя заслугі першай ступені (залатым), пяцёра байцоў — срэбным мэдалём, зь іх двое — пасьмяротна.
ГЛЯДЗІЦЕ ТАКСАМА: Прадстаўнік Рады БНР уручыў журналісту Свабоды Алегу Грузьдзіловічу мэдаль Ордэну Пагоні