«Сьледчы судзьдзя Фэдэральнага суду выканаў сёньня (28 лістапада 2025 г.) ордэр на арышт грамадзяніна Ўкраіны Сяргея К.», — гаворыцца ў паведамленьні, якое цытуе Ўкраінская служба Радыё Свабода.
Напярэдадні Сяргей Кузьняцоў быў экстрадаваны з Італіі ў Нямеччыну. Тады паведамлялася, што ў пятніцу ён зьявіцца перад сьледчым судзьдзём Фэдэральнага суду ў Карлсруэ.
19 лістапада стала вядома, што Касацыйны суд Італіі адхіліў апэляцыю і пастанавіў экстрадаваць у Нямеччыну грамадзяніна Ўкраіны Сяргея Кузьняцова, які падазраецца ў датычнасьці да дывэрсіі на газаправодах «Паўночны паток» у Балтыйскім моры.
ГЛЯДЗІЦЕ ТАКСАМА: Італія ўхваліла экстрадыцыю ўкраінца ў справе аб падрыве «Паўночных патокаў»Украінец Сяргей Кузьняцоў быў арыштаваны ў жніўні ў італьянскім горадзе Рыміні празь некалькі дзён пасьля таго, як нямецкая фэдэральная пракуратура выдала эўрапейскі ордэр на яго арышт. Кузьняцоў стаў першым арыштаваным па справе аб сабатажы газаправодаў «Паўночны паток». У Нямеччыне яму прад’явілі некалькі абвінавачваньняў, у тым ліку ў тэрарызьме. У судзе ён не прызнаў сябе вінаватым.