Ужо сёньня: Міжнародны дзень асобаў з інваліднасьцю

Дата дня

3 сьнежня адзначаецца Міжнародны дзень асобаў з інваліднасьцю. Гэты дзень абвясьціла ААН у 1992 годзе, каб прыцягнуць увагу да праблемаў такіх людзей, для абароны іх годнасьці, правоў і дабрабыту.

Гэты дзень у гісторыі

1775 — упершыню быў узьняты амэрыканскі сьцяг, які адрозьніваўся ад сучаснага сьцяга ЗША наяўнасьцю брытанскага «Юніён Джэка» ў куце.

1918 — Рада і Ўрад Беларускай Народнай Рэспублікі пакінулі Менск і пераехалі ў Вільню.

1921 — у Менску створаная Беларуская кантора Дзяржаўнага банку РСФСР. Нацыянальны банк Рэспублікі Беларусі, утвораны ў 1991 годзе, лічыцца пераемнікам гэтай установы.

Нацыянальны банк Беларусі

1939 — у Бэрліне пачынае выходзіць газэта «Раніца».

1965 — гурт The Beatles выпусьціў альбом Rubber Soul, які прынята лічыць пачаткам карэнных зьменаў у музыцы лівэрпульскай чацьвёркі.

Гурт the Beatles — Рынга Стар, Пол Макартні, Джордж Гарысан, Джон Ленан, жнівень 1969 г.

1967 — паўднёваафрыканскі хірург Крыстыян Барнард упершыню ў гісторыі зрабіў пасьпяховую перасадку сэрца.

1991 — распушчаны Камітэт дзяржаўнай бясьпекі СССР.

1992 — адпраўлена першае SMS-паведамленьне.

1997 — у Атаве 125 краін падпісалі Канвэнцыю аб забароне супрацьпяхотных мінаў. Сярод краін, якія адмовіліся падпісаць гэты дакумэнт, былі Кітай, Расея, ЗША.

У гэты дзень нарадзіліся

1907 — Рыгор Крушына (ад нараджэньня Казак), беларускі паэт, пісьменьнік і журналіст, дзеяч паваеннай эміграцыі ў Нямеччыне й ЗША, супрацоўнік Беларускай службы Радыё Свабода.

1936 — Міхась Кукабака, савецкі праваабаронца, дысыдэнт і палітычны вязень.

Міхась Кукабака

1937 — Данута Бічэль-Загнетава, паэтка.

Данута Бічэль-Загнетава

1948 — Озі Осбарн, ангельскі рок-вакаліст.

Озі Осбарн

У памяці

1894 — Робэрт Льюіс Стывэнсан, ангельскі пісьменьнік.

Робэрт Льюіс Стывэнсан

1919 — П’ер-Агюст Рэнуар, францускі мастак.

П’ер Агюст Рэнуар, «Новы Мост», 1872

1948 — Вера Кляйнміхель, графіня, уладальніца маёнткаў у Пружанах, мэмуарыстка.

1969 — Рыта Млодак, сьпявачка, народная артыстка Беларусі.

«Кветка шчасьця» (Аляксей Туранкоў). Рыта Млодак - Надзейка, Міхаіл Дзянісаў — Андрэй, 1940

1994 — Ірына Ждановіч, акторка, народная артыстка Беларусі.

2022 — Вітаўт Кіпель, беларуска-амэрыканскі грамадзкі дзеяч і публіцыст. З 1944 году жыў у эміграцыі. Працаваў у Нью-Ёрскай публічнай бібліятэцы, сабраў калекцыю беларускіх выданьняў. Актыўна ўдзельнічаў у беларускім жыцьці ў ЗША.