Гэта вынікае з новага агляду праваабарончай арганізацыі Lawtrend, паведамляе інфармацыйнае агенцтва «Позірк».
Паводле інфармацыі Lawtrend, на канец лістапада 2025 году ў працэсе прымусовай ліквідацыі знаходзілася не менш за 1216 НКА.
Рашэньне аб самастойнай ліквідацыі прынялі прынамсі 768 арганізацыяў.
Праваабаронцы падкрэсьліваюць, што ў сувязі з прафэсійнай дзейнасьцю, удзелам у арганізацыях грамадзянскай супольнасьці, праявамі грамадзянскай актыўнасьці пазбаўленыя волі ня менш за пяць прадстаўнікоў праваабарончых арганізацыяў, дзясяткі прадстаўнікоў арганізацыяў грамадзянскай супольнасьці, рэлігійных арганізацыяў, 20 прадстаўнікоў прафэсійных саюзаў і працоўнага руху.
ГЛЯДЗІЦЕ ТАКСАМА: За месяц колькасьць ліквідаваных у Беларусі грамадзкіх арганізацый павялічылася на 35«У адносінах да прадстаўнікоў арганізацыяў грамадзянскай супольнасьці працягвае актыўна выкарыстоўвацца заканадаўства аб супрацьдзеяньні экстрэмізму. Шырока распаўсюджаная практыка крымінальнага пакараньня за аказаньне фінансавай дапамогі некамэрцыйным арганізацыям і іх мэтавым групам», — гаворыцца ў справаздачы Lawtrend.
Адзначаецца таксама, што праект закону «Аб рэспубліканскім бюджэце на 2026 год», прыняты ў першым чытаньні 24 лістапада, прадугледжвае выдзяленьне сродкаў з рэспубліканскага бюджэту «Саюзу пісьменьнікаў Беларусі» (774 727 рублеў) і «Беларускаму рэспубліканскаму саюзу моладзі» (16 436 222 рублі).