Украінскія дзеці і вайна Расеі супраць Украіны (фотарэпартаж)
Жанчына абдымае дзіця, хаваючыся ад абстрэлаў на станцыі мэтро «Галасееўская», Кіеў, 24 лютага 2022 году. Першыя гадзіны поўнамаштабнага ўварваньня: адны людзі яшчэ звыкла едуць у мэтро па справах, а іншыя ўжо сьпяшаюцца з валізамі выехаць з гораду
Людзі, несучы на руках дзяцей, пераходзяць раку па драўлянай кладцы пад падарваным мостам на мяжы паміж Ірпенем і жылым масівам Раманаўка. Сакавік 2022 году. Да 2022 году, паводле зьвестак Управы вярхоўнага камісара Арганізацыі абʼяднаных нацыяў па правах чалавека і ўкраінскіх праваахоўнікаў, у выніку баявых дзеяньняў загінулі 152 дзіцяці, 146 былі параненыя
Дзяўчынка дае пакунак зь яблыкамі ўкраінскаму вайскоўцу ў горадзе Бахмач Чарнігаўскай вобласьці. Вызваленьне Чарнігаўшчыны ад расейскіх войскаў. Красавік 2022 году
Людзі гатуюць ежу на адкрытым агні, пасёлак Новалуганскае, чэрвень 2022 году. З пачаткам поўнамаштабнага ўварваньня колькасьць ахвяр рэзка ўзрасла: зь лютага 2022-га да лістапада 2025 году Расея забіла 668 украінскіх дзяцей, а параніла – 2253
Хлопчык глядзіць на тое, што засталося ад ягонай школы, якую зруйнаваў авіяўдар расейскай арміі. Уся трава вакол засыпаная раскіданымі выбухам сшыткамі і кніжкамі. Бахмут, Данецкая вобласьць, чэрвень 2022 году. За час расейскай узброенай агрэсіі ва Ўкраіне цалкам зьнішчана больш за 400 школ, а кожная сёмая школа зазнала пашкоджаньні
Яшчэ з 2014 году дзеці ва Ўкраіне гулялі ў блёкпасты – імітуючы апорныя пункты блакаваньня шляхоў для варожых сіл. Дзіцячы «блёкпост» у сяле Шаўчэнка Данецкай вобласьці (цяпер сяло на часова акупаванай тэрыторыі), непадалёк ад Пакроўску, жнівень 2022 году
Хлопчык, ахінуты ўкраінскім сьцягам, стаіць непадалёк ад зруйнаванага Антонаўскага моста ў першыя дні вызваленьня Хэрсона ад расейскіх войскаў. Лістапад 2022 году
11-гадовая Сафійка абдымае сваю марскую сьвінку Пэпу падчас эвакуацыі зь сяла Макіеўка, Луганская вобласьць, лістапад 2022 году
У Міхайлаўскім Залатаверхім саборы Кіева адбылося разьвітаньне з галоўным сяржантам 68-й асобнай егерскай брыгады Узброеных сілаў Украіны Антонам Усоўскім. Падчас разьвітаньня бацькавы ўзнагароды ўручылі ягонаму сыну. Кіеў, жнівень 2023 году
Вайсковец абдымае сына каля народнага мэмарыяла зь сьцяжкамі на майдане Незалежнасьці ў Кіеве. Красавік 2025 году
Эвакуацыя дзяцей з шпіталя «Ахматдыт» у Кіеве пасьля ракетнага ўдару Расеі. Ліпень 2024 году
Эвакуацыя цывільнага насельніцтва з Данецкай вобласьці, чыгуначны вакзал Пакроўску, жнівень 2024 году. З 24 лютага 2022 году амаль 6,5 мільёна ўкраінцаў, большасьць зь якіх жанчыны і дзеці, сталі ўцекачамі ў замежных дзяржавах. Яшчэ 4,9 мільёна, сярод іх амаль мільён дзяцей, сталі перамешчанымі асобамі ўнутры Ўкраіны. І да сёньня дзяржаўныя і валянтэрскія эвакуацыйныя групы працягваюць эвакуаваць дзяцей зь небясьпечных раёнаў, бо Расея працягвае наступ, руйнуючы гарады і вёскі
Акцыя сваякоў палонных на Майдане Незалежнасьці ў Кіеве. Студзень 2025 году
Хлопчык стаіць на зьнішчанай расейскай ваеннай тэхніцы, выстаўленай на Міхайлаўскай плошчы ў Кіеве. Студзень 2025 году
Дзеці сярод тых, хто разьвітваецца на майдане Незалежнасьці з вайскоўцам Канстанцінам Ягошыным з пазыўным «Кот». Ён быў пілётам БПЛА ў 72-й асобнай мэханізаванай брыгадзе імя Чорных Запарожцаў. Яму было 23 гады. Чэрвень 2025 году
Ратавальнікі падымаюць цела 11-гадовай Марыйкі, якая загінула ў сваёй кватэры ў выніку расейскага ракетнага абстрэлу Кіеву. Чэрвень 2025 году
Юныя валянтэры – жыхары Саламянскага раёна Кіеву – далучыліся да разбору завалаў дому, па якім нанесла ўдар расейская армія. Чэрвень 2025 году
28 ліпеня ва Ўкраіне – Дзень памяці загінулых у палоне абаронцаў і абаронцаў Украіны, удзельнікаў добраахвотніцкіх фармаваньняў і цывільных асоб, якіх пакаралі сьмерцю ці закатавалі ў палоне. Акцыя памяці на майдане Незалежнасьці ў Кіеве. Ліпень 2025 году
Вэтэран на вазку зь дзяўчынкай на руках побач з народным мэмарыялам на майдане Незалежнасьці ў Кіеве. Ліпень 2025 году
Дзеці, абняўшыся, глядзяць на народны сьцяжковы мэмарыял на мў айдане Незалежнасьці ў Кіеве. Ліпень 2025 году
Дзіця ў кіеўскім мэтрапалітэне падчас масаванай расейскай ракетнай атакі. Ліпень 2025 году. Падчас паветраных трывог мэтро ператвараецца ў схоў для тысяч людзей. Паколькі расейская армія мэтанакіравана начамі атакуе ўкраінскую сталіцу, то кіяўляне цэлымі семʼямі сьпяць у мэтро на матрацах, накрыўшыся коўдрамі. Бяруць з сабой хатніх жывёл
Акцыя пратэсту ў Кіеве супраць законапраекту пра абмежаваньне паўнамоцтваў Нацыянальнага антыкарупцыйнага бюро Ўкраіны і Спэцыялізаванай антыкарупцыйнай пракуратуры. Ліпень 2025 году
Бацька ўпершыню абдымае сына пасьля вяртаньня з расейскага палону. Жнівень 2025 году. Па абвінавачваньні ў дэпартацыі дзяцей Міжнародны крымінальны суд у Гаазе выдаў ордэр на арышт расейскага кіраўніка Ўладзіміра Пуціна і расейскай упаўнаважанай у правах дзіцяці Марыі Львовай-Бяловай. Украіна разам зь міжнароднай сыстэмай правасудзьдзя працуе над прыцягненьнем да крымінальнай адказнасьці ўсіх арганізатараў і выканаўцаў, якія маюць дачыненьне да дэпартацыі ўкраінскіх дзяцей
Дзеці, захутаныя ў коўдры, сядзяць разам з сваім сабачкам каля свайго дому, пашкоджанага ў выніку расейскай атакі. Жнівень 2025 году
Дзеці нясуць кветкі і цацкі да жылога пяціпавярховіка ў Кіеве, у які трапіла расейская ракета. Расейская атака забрала жыцьці больш за 20 жыхароў гэтага дому, у тым ліку чатырох дзяцей. Жнівень 2025 году
У Кіеве разьвіталіся з 24-гадовай Надзеяй і яе 2-гадовай дачкой Ангелінай, якія загінулі ў выніку расейскай атакі ў ноч на 28 жніўня. Жнівень 2025 году
Сьвяткаваньне дзіцячага дня народзінаў у Краматорску, за 16 кілямэтраў ад лініі баявога сутыкненьня
Дзіця стаіць у двары свайго дому, пашкоджанага ў выніку расейскага абстрэлу Кіеву. Кастрычнік 2025 году.Расея няспынна наносіць удары па цывільнай і энэргетычнай інфраструктуры Ўкраіны, ад якіх дзеці могуць загінуць, атрымаць раненьні, страціць бацькоў і родных, застацца безь цяпла і электраэнэргіі.Наступ расейскіх войскаў і бесьперапынныя абстрэлы прыфрантавых тэрыторый пазбаўляюць дзяцей усялякай магчымасьці жыць на сваёй зямлі і ў сваіх дамах, вучыцца і атрымліваць мэдычную дапамогу. Тыя ўкраінскія дзеці, якія трапілі пад расейскую акупацыю, жывуць ва ўмовах ідэалягічнага і псыхалягічнага ціску, гвалтоўнай зьмены ідэнтычнасьці, рызыкі стаць ахвярай гвалту акупантаў