Праз 4 гады будзе сто гадоў як пачалася першая Ўсясьветная вайна, якая пакінула па сабе шмат рэчавых помнікаў на тэрыторыі Беларусі. А ці не сталі забывацца пра гэтую вайну людзі? Ці робіцца хаця б мінімум, каб не сьцёрлася памяць пра ахвяраў той вайны і яе загіблых салдатаў?
Карэспандэнт “Свабоды” Алег Грузьдзіловіч разам з незалежным журналістам Уладзімерам Багданавым дасьледуюць помнікі і пахаваньні вайны, якую у Беларусі часта называлі Мікалаеўскай. Іх падарожжа пралягала па Баранавіцкаму, Івацэвіцкаму і Пінскаму раёнам Берасьцейшчыны.
