Паводле дасьледчыкаў у 1-й Усясьветнай вайне на тэрыторыі Беларусі загінула каля 850 тысяч вайскоўцаў з абодвух бакоў. Страты мясцовага насельніцтва склалі больш 1 мільёна чалавек, уключна з прызванымі на вайну і ўцекачамі, якія не вярнуліся дамоў у Беларусь.
Дасьледчык Уладзімер Багданаў і наш карэспандэнт Алег Грузьдзіловіч заканчваюць чарговае падарожжа па месцах вайны, якую у Беларусі дагэтуль называюць Мікалаеўскай. Маршрут экспэдыцыі пралягаў праз Баранавіцкі, Івацэвіцкі і Пінскі раёны Берасьцейскай вобласьці.
