Агляд незалежных мэдыяў за 8 красавіка.
Слуцкая газэта "Інфа-кур'ер" зьмяшчае ўражаньні мясцовай жыхаркі, якая аказалася ў маскоўскім мэтро падчас тэрарыстычных актаў. Калі шахідка ўзарвала сябе на станцыі "Парк культуры", беларуска была на суседняй станцыі. Праз мабільны тэлефон жанчына выйшла ў інтэрнэт і даведалася, што гэта быў другі выбух. "Потым пранеслася чутка пра трэці выбух, людзі загаварылі пра вайну", – перадае ўспаміны сьведкі журналіст Алесь Дастанка і працягвае:
"Яны ўжо чакалі, што яшчэ будуць выбухі. Яна глядзела на людзей: было бачна, што палова ведала, што адбылося, а другая палова – ня ведала. І гэтыя, якія нічога ня ведалі, са зьдзіўленьнем глядзелі на іншых людзей, як людзі ішлі, а па іх тварах цяклі сьлёзы".
"Комсомольская правда" в Белорусии" 8 красавіка выходзіць у фармаце "таўстушкі". Журналістка Вольга Анцыповіч распавядае пра самыя цікавыя артыкулы беларускай часткі нумару:
"Газэта зьмяшчае шмат цікавых матэрыялаў, а самае галоўнае зь іх, гэта артыкул пра новабудоўлі, якія зьменяць воблік Менска. Распавядаецца пра тое, што пабудуюць у сталіцы сёлета, прычым з прыгожымі ілюстрацыямі і расшыфроўкай у дэталях, што будзе новага, калі будоўлі будуць здавацца, у што гэта абыдзецца гарадзкому бюджэту. Гаворка пра Менск-сіці, хакейную арэну ў Чыжоўцы ды іншыя аб'екты.
Другі матэрыял – артыкул пра Барыса Кіта, нашага славутага земляка, які, праўда, даўно не жыве ў Беларусі. Пра яго распавядае ягоная знаёмая, Лідзія Савік. Яна дзеліцца ўражаньнямі ад сустрэч з Барысом Кітом, у матэрыяле ёсьць фотаздымкі Кіта, як ён зьехаў у Амэрыку. Мяркую, гэта будзе цікава і шырокаму колу чытачоў".
Журналіст "Газэты Слонімскай" Мікола Канановіч вылучае з усяго нумару матэрыял Ганны Валадашчук пра сытуацыю ў аграгарадку Партызанка. Там паклалі новы асфальт, але раптам палопаўся стары водаправод, і дарогу давялося ламаць, каб залатаць трубы. Грошы з бюджэту страчаныя дарма, абураюцца журналісты газэты:
"Няўжо нельга было пакласьці новыя трубы, каб потым не ламаць асфальт. Але на гэта кіраўнік мясцовай службы ЖКХ спадар Покалаў сказаў, што ніхто новыя трубы класьці ня будзе!"
"Яны ўжо чакалі, што яшчэ будуць выбухі. Яна глядзела на людзей: было бачна, што палова ведала, што адбылося, а другая палова – ня ведала. І гэтыя, якія нічога ня ведалі, са зьдзіўленьнем глядзелі на іншых людзей, як людзі ішлі, а па іх тварах цяклі сьлёзы".
"Комсомольская правда" в Белорусии" 8 красавіка выходзіць у фармаце "таўстушкі". Журналістка Вольга Анцыповіч распавядае пра самыя цікавыя артыкулы беларускай часткі нумару:
"Газэта зьмяшчае шмат цікавых матэрыялаў, а самае галоўнае зь іх, гэта артыкул пра новабудоўлі, якія зьменяць воблік Менска. Распавядаецца пра тое, што пабудуюць у сталіцы сёлета, прычым з прыгожымі ілюстрацыямі і расшыфроўкай у дэталях, што будзе новага, калі будоўлі будуць здавацца, у што гэта абыдзецца гарадзкому бюджэту. Гаворка пра Менск-сіці, хакейную арэну ў Чыжоўцы ды іншыя аб'екты.
Другі матэрыял – артыкул пра Барыса Кіта, нашага славутага земляка, які, праўда, даўно не жыве ў Беларусі. Пра яго распавядае ягоная знаёмая, Лідзія Савік. Яна дзеліцца ўражаньнямі ад сустрэч з Барысом Кітом, у матэрыяле ёсьць фотаздымкі Кіта, як ён зьехаў у Амэрыку. Мяркую, гэта будзе цікава і шырокаму колу чытачоў".
Журналіст "Газэты Слонімскай" Мікола Канановіч вылучае з усяго нумару матэрыял Ганны Валадашчук пра сытуацыю ў аграгарадку Партызанка. Там паклалі новы асфальт, але раптам палопаўся стары водаправод, і дарогу давялося ламаць, каб залатаць трубы. Грошы з бюджэту страчаныя дарма, абураюцца журналісты газэты:
"Няўжо нельга было пакласьці новыя трубы, каб потым не ламаць асфальт. Але на гэта кіраўнік мясцовай службы ЖКХ спадар Покалаў сказаў, што ніхто новыя трубы класьці ня будзе!"