НАВІНЫ ТЭСТЫ

Гарачыя навіны!

Алег Грузьдзіловіч

Аўтар Алег Грузьдзіловіч

19:36, 07 верасень 2011
Менскі гарадзкі суд адмовіў у скарзе маці палітвязьня

Менскі гарадзкі суд пакінуў бязь зьмены прысуд Алене Ліхавід, маці палітвязьня Мікіты Ліхавіда. Жанчына была асуджаная на 10 сутак адміністрацыйнага арышту за удзел у несанкцыянаванай акцыі 20 ліпеня.
18:30, 07 верасень 2011
Сястра былога спэцназаўца папрасіла палітычнага прытулку ў Вялікабрытаніі

Жыхарка Гародні Вольга Макар з 7-гадовым сынам Уладам папрасіла палітычнага прытулку ў Вялікабрытаніі. Жанчына заявіла пра перасьлед з боку міліцыі і пагрозы яе жыцьцю і жыцьцю сына.
18:40, 06 верасень 2011
Маці электрыка, які загінуў ад выбуху на «Пінскдрэве», выйграла суд у прадпрыемства

30 мільёнаў рублёў кампэнсацыі за маральную шкоду ў выніку сьмерці сына дамаглася праз суд Людміла Рапута, маці працаўніка Яўгена Рапуты, які загінуў ад выбуху на «Пінскдрэве» 25 кастрычніка 2010 году.
17:39, 06 верасень 2011
Праваабаронцу Тацяну Равяку дапыталі адносна справы Алеся Бяляцкага

6 верасьня ў Дэпартамэнце фінансавых расьсьледаваньняў Камітэту дзяржкантролю адбыўся допыт Тацяны Равякі. Праваабаронцу дапыталі ў якасьці сьведкі.
07:34, 06 верасень 2011
У Бярозе судзяць за ліпеньскую «маўклівую» акцыю

6 верасьня ў Бярозе (Берасьцейская вобласьць) разгледзяць адміністрацыйную справу супраць старшыні мясцовай суполкі стваранай Кансэрватыўна-хрысьціянскай партыі БНФ Галіны Кавалевіч. Яе вінавацяць у тым, што яна не падпарадкавалася міліцыянтам падчас акцыі маўклівага пратэсту 13 ліпеня.
20:41, 05 верасень 2011
Ператрус у кватэры актывіста БНФ Алеся Каліты

Пра ператрус паведаміў старшыня партыі БНФ Аляксей Янукевіч. Раней Алеся Каліту дапыталі ў райаддзеле міліцыі паводле справы аб зьбіцьці ахоўніка будынку, дзе месьціцца офіс партыі БНФ.
17:24, 05 верасень 2011
Беларусь абяцае, што да Міхалевіча ня будуць ужываць катаваньняў

Пракуратура Беларусі патрабуе ад Чэхіі выдачы былога кандыдата на прэзыдэнта Алеся Міхалевіча, які ўцёк у Чэхію, калі знаходзіўся пад сьледзтвам аб падзеях 19 сьнежня. Перад уцёкамі Алесь Міхалевіч паведаміў, што падчас арышту ў турме КДБ яго катавалі.
13:56, 03 верасень 2011
Як беларуская зброя трапіла ў Лібію: да эмбарга ці пасьля?

Лібійскія паўстанцы знайшлі ў будынку былых спэцслужбаў каталёг беларускай фірмы-гандляра зброяй «Белтэхэкспарт». Знаходка дала падставу зноў загаварыць пра тое, што Беларусь можа гандляваць зброяй у абыход рэзалюцыі ААН.
21:55, 02 верасень 2011
Пратасеня: «Сьледчым і судам сапраўдныя доказы непатрэбныя»

Андрэй Пратасеня мог выйсьці на волю яшчэ зь першай хваляй памілаваных на пачатку жніўня, але тады адмовіўся пісаць прашэньне. Лёс склаўся гэтак, што праз тры тыдні яму сказалі зьбіраць рэчы і далі на зборы гэтулькі часу, што не пасьпеў зь сябрамі разьвітацца. Што згадвае Андрэй Пратасеня пра турэмныя парадкі?
18:28, 02 верасень 2011
Хто ў сьпісе беларускіх палітвязьняў?

Усяго ў вязьніцах яшчэ застаюцца 15 вязьняў, асуджаных за Плошчу, і 2 актывісты, асуджаныя нібыта за хуліганства за дзень да выбараў. Усяго ў сьпісе палітвязьняў 34 чалавекі.
17:43, 02 верасень 2011
Каго вызваляць наступным і калі?

Увечары 1 верасьня выйшлі на волю 4 палітвязьні, асуджаныя за ўдзел у падзеях 19 сьнежня. Гэта Алесь Кіркевіч, Андрэй Пратасеня, Дзьмітрый Даронін і Алег Гнедчык. Хто можа выйсьці наступным і калі гэтага чакаць?
14:17, 02 верасень 2011
Севярынец: "Усіх вызваляць пасьля народных сходаў у кастрычніку"

Калі чарга вызваленьняў дойдзе да сузаснавальніка БХД Паўла Севярынца, які адбывае 2 гады хіміі ў Пружанскім раёне Берасьцейскай вобласьці? Сам асуджаны палітык мяркуе, што ўсіх палітвязьняў вызваляць толькі пасьля народнага сходу ў кастрычніку.
13:21, 02 верасень 2011
Някляеў: "Вызваленьні — рэальныя, рэабілітацыя — нерэальная"

Экс-кандыдат на прэзыдэнта Ўладзімер Някляеў лічыць, што ў кастрычніку ці нават раней Аляксандар Лукашэнка вызваліць усіх палітвязьняў, каб Беларусь змагла ўдзельнічаць у саміце "Ўсходняга партнэрства" і каб атрымаць на Захадзе крэдыт для ўратаваньня сытуацыі ў эканоміцы.
17:03, 01 верасень 2011
Зьмітра Бандарэнку адправілі ў калёнію

Каардынатара «Эўрапейскай Беларусі» Зьмітра Бандарэнку адправілі з ізалятара на Валадарскага ў Магілёўскую калёнію № 15.
16:21, 01 верасень 2011
Класкоўскі жонцы: «Усе паведамленьні пра нас адсочваюць праз інтэрнэт»

А.Класкоўскі распавёў пра турэмнае жыцьцё жонцы падчас спатканьня. Ад пакараньня, вынесенага М.Статкевічу, пацярпеў увесь ягоны атрад. У якіх умовах жыве ў калёніі Ф.Мірзаянаў? Чаму адмовіўся падаваць прашэньне аб памілаваньні А.Атрошчанкаў?
17:39, 31 жнівень 2011
Мікалая Статкевіча накіравалі разгружаць бярвеньне

Статкевіч накіраваны на адну з самых цяжкіх працаў у калёніі — разгрузку бярвеньня.Саньнікаў мяркуе, што перамовы з Лукашэнкам за "круглым сталом" магчымыя толькі пра ягоны адыход ад улады. Вус папрасіў перадаць у калёнію падручнік ангельскай мовы. Новіку адмаўляюць у доўгатэрміновым спатканьні з маці.
15:45, 30 жнівень 2011
Супраць Зьмітра Дашкевіча, магчыма, рыхтуецца новая крымінальная справа

Актывісты "Маладога фронту" і беларускія праваабаронцы патрабуюць ад Генэральнай пракуратуры завесьці крымінальную справу на адміністрацыю калёніі ў Горках, дзе ўтрымліваюць Зьмітра Дашкевіча.
12:51, 30 жнівень 2011
Замежных дыпляматаў просяць выратаваць Зьмітра Дашкевіча

Намесьніца кіраўніка МФ Наста Палажанка, былы палітвязень Андрэй Бандарэнка і праваабаронца Алена Танкачова заклікалі замежных дыпляматаў наведаць калёніі, дзе сядзяць палітвязьні. Яны заявілі, што Дашкевіча катуюць -- пазбаўляюць сну, трымаюць у камэры з тэмпературай ніжэй за 0.
15:59, 29 жнівень 2011
Справы аб Плошчы спыняюць, суды адкладаюць

У Маскоўскім судзе Менску адкладзены працэс над Сьвятаславам Барановічам, якога апошнім з больш як 40 чалавек прыцягнулі да адказнасьці за Плошчу. Перад гэтым быў спынены крымінальны перасьлед удзельнікаў выбарчых штабоў кандыдатаў на прэзыдэнта.
13:18, 27 жнівень 2011
Для Мікіты Ліхавіда не дазволілі перадаць фільтар для вады

Адвакатка наведала палітвязьня Мікіту Ліхавіда. Маці Андрэя Саньнікава непакоіцца за ягонае здароўе. Фёдар Мірзаянаў мае намер уступіць у АГП. Амаль месяц няма зьвестак ад Мікалая Статкевіча. Дзьмітрый Буланаў адмаўляецца пісаць прашэньне аб памілаваньні.

Загрузіць яшчэ

XS

SM

MD

LG