Кіраўнік Беларусі Аляксандар Лукашэнка заклікаў наводзіць парадак у грамадзтве ў зьвязку з абставінамі выбуху ў менскім мэтро 11 красавіка.
5 траўня Аляксандар Лукашэнка заслухаў чарговы даклад аб расьсьледаваньні абставінаў выбуху ў менскім мэтро. На гэты раз афіцыйныя крыніцы не падаюць ніякіх новых падрабязнасьцяў, зьвязаных з расьсьледаваньнем тэракту. Лукашэнка аднак ужо загаварыў пра аднаго «абвінавачанага». Кіраўнік Беларусі загадаў навесьці парадак ва ўсіх установах, арганізацыях, на заводах і фабрыках і наагул у грамадзтве. Адносна аналізу сытуацыі на заводзе, дзе працаваў абвінавачаны, Лукашэнка сказаў:
«Пачынаем разьбірацца, гэты чалавек мог папросту пайсьці з працы. Шарыкі, ролікі, арматуры нарэзаць, набраць. І займацца сваімі справамі, у тым ліку выпрабоўваць выбуховыя прыстасаваньні ў лясах. І ніхто, нібыта, гэта ня бачыў. Усё гэта трэба спыніць. Паставіць жорстка. У нас вопыт у савецкія часы ёсьць. Часоў Андропава. Падабаецца гэта некаму ці не, але прыкладна так мы павінны прымусіць кожнага працаваць».
Паводле Лукашэнкі, прычыны, якія садзейнічалі злачынству, палягаюць ня толькі ў недапрацоўцы праваахоўных органаў. Маўляў, «ва ўстановах адукацыі і на прадпрыемствах беспарадку больш, чым трэба».
Камэнтуючы настальгію па часах Андропава, былы старшыня Вярхоўнага Савету Мечыслаў Грыб сказаў, што гэта даўно забытае старое:
«Мацаваць дысцыпліну, прымушаць людзей працаваць, пад прымусам — гэта ніколі нічога не давала. Я падтрымліваю ідэю, каб на кожнай вытворчасьці, у арганізацыі была пэўная дысцыпліна. Але прымусова гэта зрабіць вельмі цяжка. Хто б за ўсю гісторыю, у Расейскай імпэрыі ці ў іншых краінах, не спрабаваў гэта зрабіць, ні ў кога гэта не атрымлівалася. Трэба шукаць іншыя падыходы, каб людзі былі зацікаўленыя ў сваёй працы. Тады ня трэба будзе стаяць над імі з палкай і зь бізуном. Нават у канцлягерах, калі над людзьмі стаялі розныя назіральнікі, усё роўна людзі сачкавалі і не рабілі ўсе, што ім загадвалі».
Спадар Грыб мяркуе, што гэта ня мае дачыненьня да тэрарызму, бо людзі маглі быць і беспрацоўнымі і «ўчыніць сваю чорную справу». Камэнтаваць расьсьледаваньне справы аб выбуху ў менскім мэтро спадар Грыб адмовіўся, бо мае адмысловае папярэджаньне пракуратуры.
Раней, падчас сустрэчы з журналістамі, начальнік сьледчай управы Генпракуратуры Андрэй Швед паведаміў, што двум падазраваным па справе аб выбуху прад’яўленыя абвінавачаньні, пачатыя некалькі крымінальных спраў. Аднаму з падазраваных сьледзтва прад’явіла абвінавачаньне адносна выбухаў 14 і 22 верасьня 2005 году ў Віцебску і ў ноч з 3 на 4 ліпеня 2008 году ў Менску. Паводле Шведа, гэтыя злачынствы ўчыніў як мінімум адзін чалавек. Дагэтуль афіцыйна не названыя прозьвішчы. У прэсе фігуруюць імёны Дзьмітрыя Канавалава і Ўлада Кавалёва. Ім па 25 гадоў, яны сябруюць са школы, расьлі ў адным двары. Нейкіх дадзеных пра магчымых замоўцаў ці арганізатараў тэракту сьледзтва пакуль ня мае. Па справе праходзяць яшчэ чацьвёра падазраваных. Паводле мэдыяў, былі затрыманыя старэйшы брат і бацька асноўнага падазраванага, які працаваў у Віцебску токарам. Потым бацьку і брата вызвалілі. Яшчэ адзін падазраваны ў тэракце, сусед-цясьляр, таксама на волі. Ня выключана, што вызвалілі і сяброўку галоўнага абвінавачанага, студэнтку прыватнай ВНУ.
5 траўня Аляксандар Лукашэнка заслухаў чарговы даклад аб расьсьледаваньні абставінаў выбуху ў менскім мэтро. На гэты раз афіцыйныя крыніцы не падаюць ніякіх новых падрабязнасьцяў, зьвязаных з расьсьледаваньнем тэракту. Лукашэнка аднак ужо загаварыў пра аднаго «абвінавачанага». Кіраўнік Беларусі загадаў навесьці парадак ва ўсіх установах, арганізацыях, на заводах і фабрыках і наагул у грамадзтве. Адносна аналізу сытуацыі на заводзе, дзе працаваў абвінавачаны, Лукашэнка сказаў:
«Пачынаем разьбірацца, гэты чалавек мог папросту пайсьці з працы. Шарыкі, ролікі, арматуры нарэзаць, набраць. І займацца сваімі справамі, у тым ліку выпрабоўваць выбуховыя прыстасаваньні ў лясах. І ніхто, нібыта, гэта ня бачыў. Усё гэта трэба спыніць. Паставіць жорстка. У нас вопыт у савецкія часы ёсьць. Часоў Андропава. Падабаецца гэта некаму ці не, але прыкладна так мы павінны прымусіць кожнага працаваць».
У нас вопыт у савецкія часы ёсьць. Часоў Андропава. Падабаецца гэта некаму ці не, але прыкладна так мы павінны прымусіць кожнага працаваць.
Камэнтуючы настальгію па часах Андропава, былы старшыня Вярхоўнага Савету Мечыслаў Грыб сказаў, што гэта даўно забытае старое:
«Мацаваць дысцыпліну, прымушаць людзей працаваць, пад прымусам — гэта ніколі нічога не давала. Я падтрымліваю ідэю, каб на кожнай вытворчасьці, у арганізацыі была пэўная дысцыпліна. Але прымусова гэта зрабіць вельмі цяжка. Хто б за ўсю гісторыю, у Расейскай імпэрыі ці ў іншых краінах, не спрабаваў гэта зрабіць, ні ў кога гэта не атрымлівалася. Трэба шукаць іншыя падыходы, каб людзі былі зацікаўленыя ў сваёй працы. Тады ня трэба будзе стаяць над імі з палкай і зь бізуном. Нават у канцлягерах, калі над людзьмі стаялі розныя назіральнікі, усё роўна людзі сачкавалі і не рабілі ўсе, што ім загадвалі».
Спадар Грыб мяркуе, што гэта ня мае дачыненьня да тэрарызму, бо людзі маглі быць і беспрацоўнымі і «ўчыніць сваю чорную справу». Камэнтаваць расьсьледаваньне справы аб выбуху ў менскім мэтро спадар Грыб адмовіўся, бо мае адмысловае папярэджаньне пракуратуры.
Раней, падчас сустрэчы з журналістамі, начальнік сьледчай управы Генпракуратуры Андрэй Швед паведаміў, што двум падазраваным па справе аб выбуху прад’яўленыя абвінавачаньні, пачатыя некалькі крымінальных спраў. Аднаму з падазраваных сьледзтва прад’явіла абвінавачаньне адносна выбухаў 14 і 22 верасьня 2005 году ў Віцебску і ў ноч з 3 на 4 ліпеня 2008 году ў Менску. Паводле Шведа, гэтыя злачынствы ўчыніў як мінімум адзін чалавек. Дагэтуль афіцыйна не названыя прозьвішчы. У прэсе фігуруюць імёны Дзьмітрыя Канавалава і Ўлада Кавалёва. Ім па 25 гадоў, яны сябруюць са школы, расьлі ў адным двары. Нейкіх дадзеных пра магчымых замоўцаў ці арганізатараў тэракту сьледзтва пакуль ня мае. Па справе праходзяць яшчэ чацьвёра падазраваных. Паводле мэдыяў, былі затрыманыя старэйшы брат і бацька асноўнага падазраванага, які працаваў у Віцебску токарам. Потым бацьку і брата вызвалілі. Яшчэ адзін падазраваны ў тэракце, сусед-цясьляр, таксама на волі. Ня выключана, што вызвалілі і сяброўку галоўнага абвінавачанага, студэнтку прыватнай ВНУ.
