Прычынай сталі няспынныя гібрыдныя атакі кантрабандысцкімі шарамі з тэрыторыі Беларусі, якія парушаюць працу Віленскага аэрапорта і ствараюць пагрозу бясьпецы грамадзянскай авіяцыі. А таксама блякаваньне літоўскіх грузавікоў з прычэпамі, якім улады Беларусі не дазваляюць вярнуцца назад у Літву, вынікае з паведамленьня МЗС Літвы.
Літва запатрабавала, каб Беларусь
- выконвала свае міжнародныя абавязальніцтвы,
- забясьпечыла кантроль над сваёй паветранай прасторай і мяжой, каб спыніць там правапарушэньні,
- прыняла меры для спыненьня міжнародных арганізаваных злачынстваў.
МЗС Літвы папярэдзіў, што калі ўлады Беларусі ня спыняць эканамічны шантаж і ня вернуць незаконна канфіскаваную маёмасьць, якая належыць грамадзянам і кампаніям Эўразьвязу, Літва паведаміць міжнародным арганізацыям пра рызыкі і пагрозы для міжнародных грузаперавозак у Беларусі.
Літоўскі бок заявіў, што пакідае за сабой права запусьціць юрыдычныя мэханізмы для прыцягненьня беларускай дзяржавы да адказнасьці і спагнаньня кампэнсацыі за прычыненую шкоду. А таксама прыняць іншыя контрамеры — на нацыянальным, эўрапейскім ды міжнародным узроўнях.
А 19:36 у гэты ж дзень Віленскі аэрапорт чарговым разам спыніў прыём і адпраўку рэйсаў праз пагрозу сутыкненьня самалётаў з кантрабандысцкімі шарамі, запушчанымі зь Беларусі.
Ад пачатку году ў паветраную прастору краіны ўварвалася больш як 600 шароў для кантрабанды і амаль 200 дронаў.
Пасьля аднаўленьня працы памежных пераходаў ужо шэсьць разоў прыпынялася праца аэрапорта ў Вільні з прычыны новых мэтэазондаў, якія ўрываліся ў паветраную прастору краіны з тэрыторыі Беларусі.
Форум